Mae amrywiaeth o fuddion i wirfoddoli gyda’r Ysgwrn.
Ymunwch â’r tîm ymroddedig o wirfoddolwyr sy'n croesawu ymwelwyr i’r Ysgwrn
Mae ymwelwyr wedi bod yn profi hud Yr Ysgwrn ers degawdau. Chwaraeodd aelodau o deulu Hedd Wyn ran hollbwysig wrth gadw drysau’r ffermdy ar agor a rhannu hanes bywyd Hedd Wyn.
Ers 2012, pan brynodd Awdurdod Parc Cenedlaethol Eryri’r safle, mae gwirfoddolwyr wedi chwarae’r rhan hollbwysig o groesawu ymwelwyr i’r safle a rhannu hanes Hedd Wyn.
Sut y gallwch chi helpu drwy wirfoddoli
Mae sawl ffordd y gallwch chi helpu’r Ysgwrn drwy waith gwirfoddol.
Bydd angen rhoi croeso cynnes i ymwelwyr yr Ysgwrn. Byddwch yn gwerthu tocynnau, paned a chacen a chynnyrch siop ac yn rhannu gwybodaeth am y safle.
Mae teithiau tywys y ffermdy yn atyniad poblogaidd yn Yr Ysgwrn. Mae’r teithiau hyn yn gyfle gwych i ymwelwyr ddarganfod bywyd yn Yr Ysgwrn a hanes Hedd Wyn.
Beth am fod yn un o’r llond llaw o dywyswyr sy’n datgelu hanes Yr Ysgwrn i unigolion, grwpiau ac ysgolion o bedwar ban byd?
Rydym yn chwilio am wirfoddolwyr sy’n hapus i wneud ychydig o waith glanhau cyffredinol ar y safle.
Yn ogystal, mae dwy ardd o flaen y ffermdy a bydd angen gwirfoddolwyr brwdfrydig i ofalu amdanynt
O dro i dro, bydd angen ymgymryd â gwaith cynnal a chadw cyffredinol yn ogystal.
Mae angen y gofal a’r sylw gorau ar ddodrefn a chelfi’r Ysgwrn fel eu bod i’w gweld am genedlaethau i ddod. Allwch chi helpu i warchod yr arteffactau gwerthfawr yn Yr Ysgwrn?
Yn ogystal, mae dysgu a darganfod mwy am stori Yr Ysgwrn yn dasg barhaus. Ydych chi’n ymchwilydd brwd a all helpu i ddarganfod hanes Yr Ysgwrn?
Cais i Wirfoddoli
Mae’n rhaid i chi fod dros 16 oed i wneud cais i wirfoddoli.
Bydd angen i chi lewni’r ffurflen gais os hoffech wirfoddoli gyda’r Ysgwrn.
